ಕರ್ನಾಟಕದಲ್ಲಿ ಬಂದ್​ ಯಶಸ್ವಿ- ಆಂಧ್ರಪ್ರದೇಶದಲ್ಲಿ ಪೆಟ್ರೋಲ್ ದರ ಇಳಿಕೆ- ನಮ್ಮಲ್ಲೂ ಪೆಟ್ರೋಲ್-ಡಿಸೇಲ್ ದರ ಇಳಿಸ್ತಾರ ಕುಮಾರಣ್ಣ?!

ತೈಲ ಬೆಲೆ ಏರಿಕೆ ಖಂಡಿಸಿ ಕಾಂಗ್ರೆಸ್​ ಕರೆ ನೀಡಿದ್ದ ಭಾರತ ಬಂದ್​ಗೆ ರಾಜ್ಯ ಸ್ತಬ್ಧವಾಗಿದ್ದರೇ ಅತ್ತ , ಇಲ್ಲಿನ ಬಂದ್​​ನ ಅಲ್ಲಿ ಕೊಡುಗೆ ಎಂಬಂತೆ ಆಂಧ್ರಪ್ರದೇಶದಲ್ಲಿ ಪೆಟ್ರೋಲ್​ ಮತ್ತು ಡಿಸೇಲ್​ ದರ ಕಡಿಮೆಯಾಗಿದೆ. ಆಂಧ್ರಪ್ರದೇಶದ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು ಈ ಆದೇಶ ಹೊರಡಿಸಿದ್ದಾರೆ.

ಮಧ್ಯಾಹ್ನದ ವೇಳೆ ಸಭ ನಡೆಸಿದ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು, ಪೆಟ್ರೋಲ್ ಮತ್ತು ಡಿಸೇಲ್​ ಮೇಲಿನ ಮೌಲ್ಯವರ್ಧಿತ ದರ(ವ್ಯಾಟ್​) ಕಡಿತಗೊಳಿಸಿ ಆದೇಶಿಸಿದ್ದಾರೆ. ಇದರಿಂದ ತಕ್ಷಣವೇ ಪೆಟ್ರೋಲ್​ ಮತ್ತು ಡಿಸೇಲ್ ದರ 2 ರೂಪಾಯಿ ಕಡಿಮೆಯಾಗಿದೆ.
ಈ ಹಿಂದೆ ರಾಜಸ್ಥಾನ ಸರ್ಕಾರ ಕೂಡ ಇಂಧನಗಳ ಮೇಲಿನ ವ್ಯಾಟ್​ನ್ನು ಶೇಕಡಾ 4 ರಷ್ಟು ಕಡಿತಗೊಳಿಸಿತ್ತು. ಇದರಿಂದ ಅಲ್ಲಿಯೂ ಕೂಡ ಪೆಟ್ರೋಲ್ ಮತ್ತು ಡಿಸೇಲ್ ದರ ಇಳಿಕೆಯಾಗಿದೆ. ಆದರೇ ರಾಜ್ಯ ಮುಖ್ಯಮಂತ್ರಿ ಕುಮಾರಸ್ವಾಮಿ ಮಾತ್ರ ಈ ಬಗ್ಗೆ ಯಾವುದೇ ರೀತಿ ಪ್ರತಿಕ್ರಿಯೆ ನೀಡಿಲ್ಲ.

ಪೆಟ್ರೋಲ್-ಡಿಸೇಲ್ ಮೇಲಿನ ಸೆಸ್​ ಕಡಿಮೆ ಮಾಡುವ ಕುರಿತು ಪ್ರಧಾನಿಯವರೊಂದಿಗೆ ಮಾತನಾಡುವುದಾಗಿ ಕುಮಾರಸ್ವಾಮಿ ಹೇಳಿರೋದನ್ನು ಹೊರತುಪಡಿಸಿದರೇ ಮತ್ಯಾವುದೇ ಬೆಳವಣಿಗೆ ಇಲ್ಲ. ಆದರೇ ಇತರ ರಾಜ್ಯ ಸರ್ಕಾರಗಳ ಮಾತ್ರ ಬೆಲೆ ಇಳಿಕೆ ಮಾಡುತ್ತಿದೆ. ಹೀಗಾಗಿ ಈಗ ರಾಜ್ಯದಲ್ಲಿ ವಾಹನ ಸವಾರರು ರಾಜ್ಯ ಸರ್ಕಾರದತ್ತ ನೀರಿಕ್ಷೆಯ ನೋಟ ನೆಟ್ಟಿದ್ದಾರೆ.

Avail Great Discounts on Amazon Today click here