ದೇಶಾದ್ಯಂತ ಮೆಡಿಕಲ್ ಶಾಪ್ ವ್ಯಾಪಾರಿಗಳು ಮುಷ್ಕರ ಆರಂಭಿಸಿದ್ದಾರೆ. ಇ-ಫಾರ್ಮಸಿಗೆ ವಿರೋಧಿಸಿ ಮೆಡಿಕಲ್ ಶಾಪ್ ವ್ಯಾಪಾರಿಗಳು ಬಂದ್ ನಡೆಸ್ತಿದ್ದು, ಆಲ್ ಇಂಡಿಯಾ ಆರ್ಗನೈಸೇಶನ್ ಆಫ್ ಕೆಮಿಸ್ಟ್ ಆಂಡ್ ಡ್ರಗಿಸ್ಟ್ (AIOCD)ಮುಷ್ಕರಕ್ಕೆ ಕರೆ ನೀಡಿತ್ತು.
ನಿನ್ನೆ ಮಧ್ಯರಾತ್ರಿಯಿಂದ ಇಂದು ಮಧ್ಯರಾತ್ರಿಯವರೆಗೂ ಫಾರ್ಮಸಿಗಳು ಬಂದ್ ಆಗಲಿವೆ. ಕರ್ನಾಟಕದಲ್ಲಿ ಒಟ್ಟು 24 ಸಾವಿರ ಮೆಡಿಕಲ್ ಶಾಪ್ಗಳಿದ್ದು, ಬೆಂಗಳೂರಿನಲ್ಲಿ 6 ಸಾವಿರಕ್ಕೂ ಹೆಚ್ಚು ಮೆಡಿಕಲ್ ಶಾಪ್ಗಳಿವೆ.
ಕಾರವಾರ, ಗದಗ,ಹುಬ್ಬಳ್ಳಿ,ಧಾರವಾಡ,ಹಾಸನ,ಚಿಕ್ಕಮಗಳೂರು,ಬಿಜಾಪುರ,ಬಾಗಲಕೋಟೆ,ಆನೇಕಲ್,ಕೋಲಾರ ಸೇರಿದಂತೆ ರಾಜ್ಯದ ವಿವಿಧೆಡೆ ಹಲವು ಖಾಸಗಿ ಮೆಡಿಕಲ್ಗಳು ಬಾಗಿಲು ಮುಚ್ಚಿದ್ದು, ಬಂದ್ಗೆ ಬೆಂಬಲ ಸೂಚಿಸಿವೆ.
ಇನ್ನು ರಾಜ್ಯದ ಸರ್ಕಾರಿ ಸ್ವಾಮ್ಯದ ಮೆಡಿಕಲ್ಗಳು ಕಾರ್ಯನಿರ್ವಹಿಸುತ್ತಿವೆ. ಅಲ್ಲದೇ ಆಸ್ಪತ್ರೆ ಹಾಗೂ ನರ್ಸಿಂಗ್ ಹೋಂಗಳಲ್ಲಿರೋ ಮೆಡಿಕಲ್ ಶಾಪ್ಗಳು ಮಾತ್ರ ಓಪನ್ ಆಗಿದ್ದು, ರೋಗಿಗಳ ಸಹಾಯಕ್ಕೆ ಲಭ್ಯವಾಗಿದೆ. ಇ- ಫಾರ್ಮಸಿ ವಿರೋಧಿಸಿ ಈ ಮುಷ್ಕರ ನಡೆಯುತ್ತಿದೆ.
