ಪುಟ್ಟ ಬಾಲಕಿಯ ಹುಟ್ಟುಹಬ್ಬಕ್ಕೆ ಶುಭಕೋರಿದ ಪ್ರಧಾನಿ ಮೋದಿ!

 

 ಮಂಗಳೂರಿನ ಬಾಲಕಿಯೊಬ್ಬಳ 11ನೇ ವರ್ಷದ ಹುಟ್ಟು ಹಬ್ಬಕ್ಕೆ ಸ್ವತಃ ಪ್ರಧಾನಿ ನರೇಂದ್ರ ಮೋದಿಯೇ ಟ್ವೀಟ್ ಮೂಲಕ ಶುಭಕೋರಿದ್ದಾರೆ. ಮಂಗಳೂರಿನ ಮೂಡಬಿದ್ರೆ ನಿವಾಸಿ ಮಹೇಶ್ ವಿಕ್ರಮ್ ಹೆಗ್ಡೆ ಪುತ್ರಿಗೆ ಮೋದಿ ಶುಭಾಶಯ ಕೋರಿದ್ದು, ಈ ಶುಭಾಶಯವೀಗ ಮೋದಿ ಸರಳತೆಗೆ ಸಾಕ್ಷಿಯಾಗಿ ಸಾಕಷ್ಟು ವೈರಲ್​ ಆಗಿದೆ.

 

 

ವಿಕ್ರಮ್ ಅವರ ಪುತ್ರಿಗೆ ಹುಟ್ಟುಹಬ್ಬದಂದು ಏನು ಗಿಫ್ಟ್​ ಬೇಕೆಂದು ಕೇಳಿದ್ದರು. ಆಗ ಅವರ ಪುತ್ರಿ ಬೆಳಕು ತಮಗೆ ಮೋದಿಜೀ ಚಿತ್ರವಿರೋ ಕೇಕ್ ಬೇಕು ಅಂತ ಡಿಮ್ಯಾಂಡ್​ ಮಾಡಿದ್ದಾಳೆ. ಮಗಳ ಆಸೆಯಂತೆ ಪ್ರಧಾನಿ ಮೋದಿ ಭಾವಚಿತ್ರವಿರೋ ಕೇಕ್​ ತಂದು ಪುತ್ರಿ ಬೆಳಕುಗೆ ನೀಡಿದ್ದಾರೆ.
ಅಲ್ಲದೇ ಆ ಕೇಕ್​ ಫೋಟೋವನ್ನು ಬೆಳಕು ತಂದೆ ಮಹೇಶ್ ವಿಕ್ರಂ ಹೆಗ್ಡೆ, ‘pm modi is chor..! ಮಕ್ಕಳ ಹೃದಯ ಕದ್ದ ಕಳ್ಳ ಮೋದಿ ಎಂದು ವ್ಯಾಖ್ಯಾನಿಸಿ ಪ್ರಧಾನಿ ಮೋದಿಗೆ ಟ್ವೀಟ್ ಮಾಡಿದ್ದಾರೆ. ಟ್ವೀಟ್​ ಗಮನಿಸಿದ ಮೋದಿಜೀ ಬೆಳಕು ಹುಟ್ಟುಹಬ್ಬಕ್ಕೆ ಶುಭ ಕೋರಿದ್ದಾರೆ.