ಕಿಮ್ ಕಾರ್ದಾಶಿಯನ್ ಕೋಟ್ಯಾಂತರ ರೂಪಾಯಿ ಪರಿಹಾರಕ್ಕೆ ಕೋರ್ಟ್ ಮೊರೆ ಹೋಗಿರೋದು ಯಾರ ಮೇಲೆ ಗೊತ್ತಾ? ಆಕೆ ಒಂದು ಪೋಸ್ಟ್ ಗೆ ತೆಗೆದುಕೊಳ್ಳುವ ಸಂಭಾವನೆ ಎಷ್ಟು ಗೊತ್ತಾ?

ಕಿಮ್ ಕಾರ್ದಾಶಿಯನ್ ಈಕೆ ಅಮೇರಿಕದ ಖ್ಯಾತ ಸೆಲೆಬ್ರಿಟಿ, ಉದ್ಯಮಿ ಹಾಗೂ ಮಾಡೆಲ್. ಬಹಳ ಸುಂದರವಾಗಿರುವ ಈ ಚೆಲುವೆಗೆ ಸಾಮಾಜಿಕ ಜಾಲಾತಾಣಗಳಲ್ಲಿ ಕೋಟ್ಯಾಂತರ ಜನ ಫ್ಯಾನ್ಸ್ ಫಾಲೋವರ್ಸ್ ಇದ್ದಾರೆ. ಆಕೆ ತೊಡೋ ಬಟ್ಟೆ, ಮೇಕಪ್, ಹೇರ್​​ಸ್ಟೈಲ್​​, ಬಳಸೋ ಪ್ರಾಡಕ್ಟ್ಸ್​​ ಎಲ್ಲವನ್ನೂ ಜನ ಗಮನಿಸುತ್ತಾರೆ. ಆಕೆ ಒಂದು ಪೋಸ್ಟ್ ಮಾಡಿದರೆ ಸಾಕು ಕಣ್ಣು ಮುಚ್ಚಿ ಕಣ್ಣು ಬಿಡುವುದರಲ್ಲಿ ಆಕೆಯ ಫೋಟೊಗೆ ಲಕ್ಷಾಂತರ ಮಂದಿಯಿಂದ ಲೈಕ್ ಹಾಗೂ ಕಮೆಂಟ್ ಬಂದಿರುತ್ತದೆ. ಅಲ್ಲದೆ ಆಕೆ ಒಂದು ಬ್ರ್ಯಾಂಡ್​​ ನನ್ನು ಪ್ರಮೋಟ್​ ಮಾಡಿದರೆ ಸಾಕು ಆ ಬ್ರಾಂಡ್ ಕ್ಷಣಾರ್ಧದಲ್ಲಿ ಲಕ್ಷಾಂತರ ಜನರನ್ನು ತಲುಪಿರುತ್ತದೆ. ಅಲ್ಲದೆ ಆ ಪ್ರಾಡಕ್ಟ್​​ ನನ್ನು ಜನರು ಸಹ ಹೆಚ್ಚಾಗಿ ಖರೀದಿಸಲು ಆರಂಭಿಸುತ್ತಾರೆ.

ad


ಹೀಗಾಗಿ ಹಲವು ಕಂಪನಿಗಳು ಕೋಟ್ಯಾಂತರ ರೂಪಾಯಿ ಹಣ ನೀಡಿ ಕಿಮ್ ಕಾರ್ದಾಶಿಯನ್ ತಮ್ಮ ಬ್ರ್ಯಾಂಡ್​ ಪ್ರಮೋಟ್​ ಮಾಡಬೇಕೆಂದು ಮನೆಯ ಮುಂದೆ ಕಾಯುತ್ತಿರುತ್ತಾರೆ. ಹೀಗೆ ಹೆಚ್ಚು ಬೇಡಿಕೆ ಹೊಂದಿರುವ ಈಕೆ ಒಂದು ಬ್ರ್ಯಾಂಡ್​ ಪ್ರಮೋಷನ್​ಗಳಿಗೆ ಎಷ್ಟು ಸಂಭಾವನೆ ಪಡೆಯುತ್ತಾರೆ. ಎನ್ನುವ ಕೂತುಹಲ ಈಗಾಗಲೇ ಎಲ್ಲರಲ್ಲಿಯೂ ಮೂಡಿರುತ್ತದೆ. ಅಲ್ಲದೆ ಇತ್ತೀಚೆಗೆ ಕಿಮ್ ಕಾರ್ದಾಶಿಯನ್ ಅಮೇರಿಕಾದ ಮಿಸ್​​ಗೈಡೆಡ್​​ ಅನ್ನೋ ಕಂಪನಿ ವಿರುದ್ಧ ಕೋರ್ಟ್​ ಮೇಟ್ಟಿಲೇರಿ ತಮಗೆ ಪರಿಹಾರವನ್ನು ಕೇಳುತ್ತಿದ್ದಾರೆ. ಕಿಮ್ ಕಾರ್ದಾಶಿಯನ್ ಏತಕ್ಕಾಗಿ ಪರಿಹಾರ ಕೇಳುತ್ತಿದ್ದಾರೆ, ಈಕೆ ಕೇಳುತ್ತಿರುವ ಹಣವಾದರೂ ಎಷ್ಟು ಈ ಎಲ್ಲ ಪ್ರಶ್ನೆಗಳಿಗೆ ಉತ್ತರ ತಿಳಿಯಬೇಕೆಂದರೆ ಈ ಕೆಳಗಿನ ಸ್ಟೋರಿ ಓದಿ..

ಹೌದು ಕಿಮ್ ಕಾರ್ದಾಶಿಯನ್ ಅಮೇರಿಕಾದ ಮಿಸ್​​ಗೈಡೆಡ್​​ ಅನ್ನೋ ಕಂಪನಿ ವಿರುದ್ಧ ಕೋರ್ಟ್​ ಮೆಟ್ಟಿಲೇರಿದ್ದಾರೆ. ಈ ವೇಳೆ ತಾನು ಒಂದು ಬ್ರ್ಯಾಂಡ್ ಪ್ರಮೋಷನ್​ ಗೆ ಎಷ್ಟು ಹಣ ಪಡೆಯುತ್ತಾರೆ ಎನ್ನುವುದನ್ನು ಕುರಿತು ಕೋರ್ಟ್​ಗೆ ತಿಳಿಸುವ ಮೂಲಕ ಬಹಿರಂಗ ಪಡೆಸಿದ್ದಾರೆ.

ಇತ್ತೀಚೆಗೆ ಮಿಸ್​ಗೈಡೆಡ್ ಕಂಪನಿ​ ಕಾರ್ದಾಶಿಯನ್ ತೊಟ್ಟಿದ್ದ ಗೋಲ್ಡನ್ ಕಲರ್​ ಡ್ರೆಸ್​​ವೊಂದರ ರೆಪ್ಲಿಕಾ ತಯಾರಿಸಿ ಸೇಲ್​​ಗೆ ಬಿಟ್ಟಿತ್ತು. ಈ ಉಡುಗೆಯನ್ನ ಮಾಡೆಲ್​​ವೊಬ್ಬರು ತೊಟ್ಟಿರುವ ಫೋಟೋ ಹಾಕಿ ಅದರ ಜೊತೆಗೆ ಕಿಮ್ ಕಾರ್ದಾಶಿಯನ್ ತೊಟ್ಟಿರೋ ಬಟ್ಟೆಯ ಫೋಟೊವನ್ನು ಸಹ ಹಾಕಿದ್ದರು, ಹೀಗಾಗಿ ನನ್ನ ಪರ್ಮಿಷನ್ ಇಲ್ಲದೆಯೇ ನನ್ನ ಹೆಸರು, ಫೋಟೋ ಹಾಗೂ ನನ್ನ ಹೋಲಿಕೆಯನ್ನ ಬಳಸಿಕೊಂಡಿದ್ದಾರೆ ಎಂದು ಕಿಮ್ ಕೋರ್ಟ್​ ಮೆಟ್ಟಿಲೇರಿದ್ದಾರೆ

ಸಾಮಾನ್ಯವಾಗಿ ನಾನು ಇಷ್ಟಪಡುವ ಕಂಪನಿಯೊಂದರ ಬ್ರ್ಯಾಂಡ್​ ಪ್ರಮೋಟ್​ ಮಾಡಲು ಒಂದು ಇನ್​​​ಸ್ಟಾಗ್ರಾಂ ಪೋಸ್ಟ್​​ಗೆ ಸುಮಾರು 3,00,000 ಡಾಲರ್​ನಿಂದ 5,00,000(ಅಂದಾಜು ₹2 ರಿಂದ ₹3.5 ಕೋಟಿ) ಡಾಲರ್​ವೆರೆಗೆ ಹಣ ಪಡೆಯುತ್ತೇನೆ. ದೀರ್ಘಾವಧಿಗೆಂದರೆ ಕೋಟ್ಯಾಂತರ ರೂಪಾಯಿಗೆ ಒಪ್ಪಂದ ಮಾಡಿಕೊಳ್ಳುತ್ತೇನೆ ಎಂದು ಕಿಮ್ ಕೋರ್ಟ್​ಗೆ ಹೇಳಿದ್ದಾರೆ.

ಅಲ್ಲದೆ ಇತ್ತೀಚೆಗೆ ಕಂಪನಿಯೊಂದರ ಜೊತೆ ಕಿಮ್ ಒಪ್ಪಂದ ಮಾಡಿಕೊಂಡಿದ್ದು, ಕೇವಲ ಆಕೆಯ ಹೆಸರು ಹಾಗೂ ಆಕೆಯ ಹೋಲಿಕೆಯನ್ನು ಬಳಸಿಕೊಳ್ಳಲು ವರ್ಷಕ್ಕೆ ಸುಮಾರು 6 ಮಿಲಿಯನ್ ಡಾಲರ್ ಅಂದರೆ ​( ಅಂದಾಜು ₹41 ಕೋಟಿ) ಹಾಗೂ ಕಂಪನಿಯ ಈಕ್ವಿಟಿಯನ್ನ ಕೊಟ್ಟಿದ್ದಾರೆ. ಹೀಗಿರುವಾಗ ಮಿಸ್​​ಗೈಡೆಡ್​​ ಕಂಪನಿಗೆ ಕನಿಷ್ಠ ಅಂದರೂ ಕಿಮ್ 5 ಮಿಲಿಯನ್ ಡಾಲರ್​( ಅಂದಾಜು 34 ಕೋಟಿ)ಗೆ ಒಪ್ಪಂದ ಮಾಡಿಕೊಳ್ಳಬೇಕಿತ್ತು. ಎಂದು ಕಿಮ್ ಪರ ವಕೀಲ ವಿಲ್ಸನ್ ವಾದ ಮಂಡಿಸಿದ್ದಾರೆ.

ಆದರೆ ಕಂಪನಿ ಅನುಮತಿ ಇಲ್ಲದೇ ನನ್ನ ಹೆಸರನ್ನ ಬಳಸಿಕೊಂಡಿದ್ದಲ್ಲದೆ. ನನ್ನ ಫೋಟೋ ಕೂಡ ಬಳಸಿಕೊಂಡು ನಾನೇ ಅವರ ಬ್ರ್ಯಾಂಡ್​ ನನ್ನು ಪ್ರಮೋಟ್​​ ಮಾಡುತ್ತಿದ್ದೇನೆ ಎನ್ನುವಂತೆ ತೋರುತ್ತಿದೆ. ಇದರಿಂದ ನನ್ನ ಫ್ಯಾನ್​ ಕನ್​ಫ್ಯೂಸ್​ ಆಗೋದಲ್ಲದೆ, ಬೇರೆ ಕಂಪನಿಗಳು ನನ್ನೊಂದಿಗೆ ಒಪ್ಪಂದ ಮಾಡಿಕೊಳ್ಳಲು ಹಿಂದೇಟು ಹಾಕಬಹುದು ಎಂದು ಕಿಮ್ ದೂರಿದ್ದಾರೆ. ಸದ್ಯ ಕಿಮ್ ಮಿಸ್​​ಗೈಡೆಡ್​​ ಕಂಪನಿಯಿಂದ 10 ಮಿಲಿಯನ್ ಡಾಲರ್​( ಅಂದಾಜು ₹69 ಕೋಟಿ) ಹಣವನ್ನು ಪರಿಹಾರವಾಗಿ ನೀಡಬೇಕೆಂದು ಕೇಳಿದ್ದಾರೆ.