ಸಿಡಿ ಪ್ರಕರಣದ ಸೃಷ್ಟಿಕೃರ್ತ ರಾಮಮೂರ್ತಿ ಗೌಡ್ ವಿರುದ್ದ ದೂರು!!

ಕೆಲದಿನಗಳ ಹಿಂದೆ ಬಿಡುಗಡೆಯಾಗಿದ್ದ ಪ್ರೆಸ್​​ನೋಟೊಂದು ರಾಜ್ಯವನ್ನೇ ಬೆಚ್ಚಿ ಬೀಳಿಸಿತ್ತು. ರಾಜ್ಯದ ಪ್ರಮುಖ ಕಾಂಗ್ರೆಸ್​ ನಾಯಕರೊಬ್ಬರ ರಾಸಲೀಲೆಯನ್ನು ಬಿಡುಗಡೆ ಮಾಡುವುದಾಗಿ ಪ್ರೆಸ್​​ ನೋಟ್​ ಬಿಡುಗಡೆಯಾಗಿದ್ದರಿಂದ ರಾಜ್ಯದ ಜನರು ಕಾತುರದಿಂದ ಕಾಯುತ್ತಿದ್ದರು.

ಆದರೇ ಧೀಡಿರ ಈ ಪ್ರೆಸ್ಮಿಟ್​​​ ಕ್ಯಾನ್ಸಲ್ ಆಗುವ ಮೂಲಕ ಹಲವು ಅನುಮಾನ ಮೂಡಿಸಿತ್ತು. ಇದೀಗ ಈ ಪ್ರಕರಣಕ್ಕೆ ಮಹತ್ವದ ಟ್ವಿಸ್ಟ್​ ಸಿಕ್ಕಿದ್ದು, ಸಿಡಿ ಬಿಡುಗಡೆ ಮಾಡುವುದಾಗಿ ಹೇಳಿದ್ದ ರಾಮಮೂರ್ತಿ ಗೌಡ್​ ವಿರುದ್ಧ ದೂರು ದಾಖಲಾಗಿದೆ. ಹೌದು ರಾಜ್ಯವೇ ಬೆಚ್ಚಿಬೀಳುವ ರಾಸಲೀಲೆ ಸಿಡಿ ಬಿಡುಗಡೆ ಮಾಡುವುದಾಗಿ ಹೇಳಿದ್ದ ಆರ್​.ಟಿ.ಐ ಕಾರ್ಯಕರ್ತ ರಾಮಮೂರ್ತಿ ಗೌಡ್ ವಿರುದ್ಧ ಕಬ್ಬನ್ ಪಾರ್ಕ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ವಕೀಲರಾಗಿರುವ ನಟರಾಜ ಶರ್ಮ್​ ರಾಮಮೂರ್ತಿ ವಿರುದ್ಧ ದೂರು ನೀಡಿದ್ದಾರೆ. ಸಿಡಿ ಬಿಡುಗಡೆ ಮಾಡುವುದಾಗಿ ಹೇಳಿದ್ದ ಪ್ರೆಸ್​ ನೋಟ್​​ನಲ್ಲಿ ತಮ್ಮ ಹೆಸರನ್ನು ತಮ್ಮ ಅನುಮತಿ ಇಲ್ಲದೇ ಹಾಕಲಾಗಿದೆ.

ನನಗೆ ಈ ಬಗ್ಗೆ ಯಾವುದೇ ಮಾಹಿತಿ ಇರಲಿಲ್ಲ. ನನ್ನ ಹೆಸರನ್ನು ಬಳಸಿಕೊಂಡು ಯಾರನ್ನೋ ವಂಚಿಸುವ ಪ್ರಯತ್ನವನ್ನು ರಾಮಮೂರ್ತಿ ಗೌಡ್ ಮಾಡಿದ್ದಾರೆ. ಯಾವುದೋ ದುರುದ್ದೇಶದಿಂದಲೇ ನನ್ನ ಹೆಸರನ್ನು ಬಳಸಲಾಗಿದೆ. ಈ ಬಗ್ಗೆ ಮಾಹಿತಿ ಪಡೆಯಲು ರಾಮಮೂರ್ತಿ ಗೌಡ್​ರನ್ನು ಸಂಪರ್ಕಿಸಿದಾಗ ಕೂಡ ಅವರು ತನಗೆ ಸರಿಯಾದ ಮಾಹಿತಿ ನೀಡಿಲ್ಲ. ಹೀಗಾಗಿ ಅವರ ವಿರುದ್ಧ ಕ್ರಮಕೈಗೊಳ್ಳುವಂತೆ ತಮ್ಮ ದೂರಿನಲ್ಲಿ ನಟರಾಜ್ ಶರ್ಮ್ ಆಗ್ರಹಿಸಿದ್ದಾರೆ.

From the web

ಪ್ರತ್ಯುತ್ತರ ನೀಡಿ

Please enter your comment!
Please enter your name here