ಆನಂದ‌ ಸಿಂಗ್ ಬಗ್ಗೆ ಡಿ.ಕೆ.ಸುರೇಶ್ ಕೊಟ್ಟ ಸ್ಪೋಟಕ್ ಮಾಹಿತಿ ಏನು ಗೊತ್ತಾ?

 

ರಾಜ್ಯದಲ್ಲಿ ಬಿಜೆಪಿ ಬಹುಮತ ಸಾಬೀತು ಪಡಿಸಲು ಸರ್ಕಸ್​ ನಡೆಸುತ್ತಿರುವ ಬೆನ್ನಲ್ಲೇ ಸಂಸದ ಡಿ.ಕೆ.ಸುರೇಶ್​ ಸ್ಪೋಟಕ್​ ಮಾಹಿತಿಯೊಂದನ್ನು ನೀಡಿದ್ದಾರೆ. ಹೌದು ಕಾಂಗ್ರೆಸ್​ ಎಮ್​​.ಎಲ್​.ಎಗಳ ಕಾವಲಿಗೆ ನಿಂತಿರುವ ಡಿ.ಕೆ.ಸುರೇಶ್, ಆನಂದ ಸಿಂಗ್​ ಒಬ್ಬರನ್ನು ಹೊರತುಪಡಿಸಿ ಉಳಿದವರೆಲ್ಲರೂ ಕಾಂಗ್ರೆಸ್​ ಸಂಪರ್ಕದಲ್ಲೇ ಇದ್ದಾರೆ. ಆದರೇ ಆನಂದ ಸಿಂಗ್​ ಮೋದಿ ಭೇಟಿಗೆ ಹೋಗಿದ್ದಾರೆ ಎಂದಿದ್ದಾರೆ.

 

ಹೌದು ವಿಧಾನಸೌಧದಲ್ಲಿ ಪ್ರತಿಭಟನೆ ನಡೆಸಿದ ಬಳಿಕ ಮಾತನಾಡಿದ ಸಂಸದ ಡಿ.ಕೆ.ಸುರೇಶ್​, ನರೇಂದ್ರ ಮೋದಿ ಭೇಟಿಗಾಗಿ ಆನಂದ್ ಸಿಂಗ್ ಹೋಗಿದ್ದಾರೆ. ಐಟಿ, ಇಡಿ ರೇಡ್ ಮೂಲಕ ಪಿಎಂ ಮೋದಿ ಬೆದರಿಕೆ ಹಾಕಿಸಿದ್ದಾರೆ. ಹೀಗಾಗಿ ಅನಿವಾರ್ಯವಾಗಿ ಆನಂದ್​ ಸಿಂಗ್ ಮೋದಿ ಭೇಟಿಗಾಗಿ ಗುಜರಾತ್​ಗೆ ತೆರಳಿದ್ದಾರೆ ಎಂದರು. ಅಲ್ಲದೇ ಯಡಿಯೂರಪ್ಪ ಪ್ರಮಾಣ ವಚನ ಸ್ವೀಕಾರ ಮಾಡಿದ್ರೆ ಏನಂತೆ. ಮೊದಲು ಅವರು ಸದಸ್ಯರ ಬಹುಮತ ಸಾಬೀತು ಮಾಡಲಿ. ವಿಧಾನಸೌಧದಲ್ಲಿ ನಾವು ‌ಬಹುಮತವನ್ನು ಸಾಬೀತು ‌ಮಾಡ್ತೀವಿ ಎಂದರು.

ಪ್ರತ್ಯುತ್ತರ ನೀಡಿ

Please enter your comment!
Please enter your name here