ರಾಜಕೀಯದಲ್ಲಿ ಅದೃಷ್ಟ ಪರೀಕ್ಷೆಗೆ ಮುಂದಾದ ಡಾಕ್ಟರ್​​- ಪಿಎಸ್​ಐ!!

ಕರ್ನಾಟಕದಲ್ಲಿ ಚುನಾವಣೆ ದಿನಾಂಕ ಘೋಷಣೆಗೂ ಮುನ್ನವೇ ಮತಸಮರದ ಕಣ ರಂಗೇರುತ್ತಿದೆ. ಈಗಾಗಲೇ ಮತದಾರರನ್ನು ಸೆಳೆಯುವ ಕಸರತ್ತಿನಲ್ಲಿರುವ ಜನಪ್ರತಿನಿಧಿಗಳಿಗೆ ಧೀಡಿರ ಚುನಾವಣೆ ಕಣಕ್ಕಿಳಿಯುತ್ತಿರುವ ಅಭ್ಯರ್ಥಿಗಳು ತಲೆನೋವಾಗಿ ಪರಿಣಮಿಸುತ್ತಿದ್ದಾರೆ.

 ಇದೀಗ ಈ ಸಾಲಿಗೆ ಕೋಲಾರದ ಸರ್ಕಾರಿ ವೈದ್ಯ ಡಿ.ಕೆ.ರಮೇಶ್​ ಹೊಸ ಸೇರ್ಪಡೆಯಾಗಿದ್ದಾರೆ. ಹೌದು ರಾಜಕಾರಣಿಗಳ ನಿದ್ದೆಗೆಡಿಸಲು ಹಲವು ರಾಜಕೀಯೇತರ ಕ್ಯಾಂಡಿಡೇಟ್​​ಗಳು ಕಣಕ್ಕಿಳಿಯುತ್ತಿದ್ದು, ಕೋಲಾರದ ಎಸ್​ಎನ್​ಆರ್​ ಸರ್ಕಾರಿ ಆಸ್ಪತ್ರೆಯ ಹಿರಿಯ ಶಸ್ತ್ರ ಚಿಕಿತ್ಸಕ ಡಿ.ಕೆ.ರಮೇಶ್​ ಚುನಾವಣೆಯಲ್ಲಿ ಅದೃಷ್ಟ ಪರೀಕ್ಷೆಗೆ ಮುಂಧಾಗಿದ್ದಾರೆ. ರಮೇಶ್​ ಕೋಲಾರದಲ್ಲಿ ಜೆಡಿಎಸ್​ ಟಿಕೇಟ್​ ಆಕಾಂಕ್ಷಿಯಾಗಿದ್ದು, ಜೆಡಿಎಸ್​ನಿಂದ ಸೀಟು ಸಿಗದಿದ್ದರೇ ಪಕ್ಷೇತರರಾಗಿ ಕಣಕ್ಕಿಳಿಯಲು ರಮೇಶ್​ ಸಿದ್ದವಾಗಿದ್ದಾರೆ.

 

ಇನ್ನು ಬೆಳಗಾವಿಯಲ್ಲಿ ಪಿಎಸ್​ಐ ಹುದ್ದೆ ತ್ಯಜಿಸಿರುವ ಬಸವರಾಜ ಬಿಸನಕೊಪ್ಪ ಎಂಬುವವರು ಮಾಜಿ ಸಚಿವ ಲಕ್ಷ್ಮಣ ಸವದಿ ವಿರುದ್ಧ ಕಣಕ್ಕಿಳಿಯಲಿದ್ದಾರೆ. ಈಗಾಗಲೇ ಎಚ್​ಡಿಕೆ ಜೊತೆ ಮಾತುಕತೆ ನಡೆಸಿರುವ ಬಸವರಾಜು ಜೆಡಿಎಸ್​ನಿಂದಲೇ ಕಣಕ್ಕಿಳಿಯಲಿದ್ದಾರೆ ಎನ್ನಲಾಗುತ್ತಿದೆ. ಒಟ್ಟಿನಲ್ಲಿ ವರ್ಷಗಳಿಂದ ಜನರನ್ನು ಒಲೈಸಿಕೊಂಡು ರಾಜಕಾರಣ ಮಾಡಿಕೊಂಡು ಬರುತ್ತಿರುವ ರಾಜಕಾರಣಿಗಳಿಗೇ ಧೀಡಿರ ಕಣಕ್ಕಿಳಿಯುತ್ತಿರುವ ಇಂಥ ಅಭ್ಯರ್ಥಿಗಳು ತಲೆನೋವಾಗಿ ಪರಿಗಣಿಸುತ್ತಿರೋದು ಮಾತ್ರ ಸುಳ್ಳಲ್ಲ.

From the web

ಪ್ರತ್ಯುತ್ತರ ನೀಡಿ

Please enter your comment!
Please enter your name here