ಸತ್ತ ಮರಿಯನ್ನು ಹೊತ್ತು ರಸ್ತೆಗೆ ಬಂದ ತಾಯಾನೆ! ವೈರಲ್​ ಆದ ವಿಡಿಯೋ ನೀಡ್ತಿರೋ ಸಂದೇಶವೇನು ಗೊತ್ತಾ?!

ಪ್ರೀತಿ, ವಾತ್ಸಲ್ಯ ಅನ್ನೋದು ಕೇವಲ ಮನುಷ್ಯನ ಸ್ವತ್ತಲ್ಲ. ಪ್ರಾಣಿಗಳಿಗೂ ತಾವು ಹೆತ್ತ ಕರುಳಕುಡಿಗಳ ಮೇಲೆ ಅಷ್ಟೇ ಪ್ರೀತಿ ಇರುತ್ತೆ. ಇದಕ್ಕೆ ಸಾಕ್ಷಿ ಎಂಬಂತೆ ಆನೆಯೊಂದು ತನ್ನ ಮರಿಯ ಮೃತದೇಹವನ್ನು ಸಂಸ್ಕಾರ ಮಾಡುವಂತೆ ಹೊತ್ತೊಯ್ದ ದೃಶ್ಯ ವೈರಲ್​ ಆಗಿದ್ದು, ನೋಡುಗರ ಕಣ್ಣಲ್ಲಿ ನೀರು ತರಿಸುವಂತಿದೆ.


ಭಾರತೀಯ ಅರಣ್ಯ ಇಲಾಖೆಯ ಅಧಿಕಾರಿ ಪ್ರವೀಣ ಕಾಸ್ವಾನ್ ಎಂಬುವವರು ಇಂತಹ ಮನಮುಟ್ಟುವ ವಿಡಿಯೋವೊಂದನ್ನು ತಮ್ಮ ಟ್ವೀಟರ್​​ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ಆನೆಯೊಂದು ತನ್ನ ಸತ್ತಿರುವ ಪುಟ್ಟ ಮರಿಯನ್ನು ಬಾಯಲ್ಲಿ ಕಚ್ಚಿಕೊಂಡು ರಸ್ತೆ ದಾಟುತ್ತಿದೆ.


ಅಷ್ಟೇ ಅಲ್ಲ ರಸ್ತೆ ಬದಿಯಲ್ಲಿ ಆ ಪುಟ್ಟ ಆನೆಮರಿಯ ಶವವನ್ನು ಹಾಕಿ, ಕೆಲಕಾಲ ಸಂತಾಪ ಸೂಚಿಸುವಂತೆ ಮೌನವಾಗಿ ನಿಲ್ಲುತ್ತದೆ. ಇದೇ ವೇಳೆಗೆ ಕಾಡಿನ ಇತರ ಆನೆಗಳು ಹಾಗೂ ಮರಿಯಾನೆಗಳು ಹಿಂಡು ಹಿಂಡಾಗಿ ಬಂದು ಈ ಆನೆಯ ಜೊತೆಗೂಡುತ್ತವೆ. ಅಲ್ಲದೇ ದುಃಖತಪ್ತ ಆನೆಯನ್ನು ಸಂತೈಸುತ್ತವೆ.


ಬಳಿಕ ಮತ್ತೆ ತಾಯಿ ಆನೆ ತನ್ನ ಮರಿಯನ್ನು ಸ್ಥಳದಿಂದ ಎತ್ತಿಕೊಂಡು ಕಾಡಿನೊಳಕ್ಕೆ ಅಂತ್ಯಸಂಸ್ಕಾರಕ್ಕೆ ಕರೆದೊಯ್ಯುವಂತೆ ತೆಗೆದುಕೊಂಡು ಹೋಗುತ್ತದೆ. ಈ ವಿಡಿಯೋ ಇದೀಗ ವೈರಲ್​ ಆಗಿದ್ದು, ಮೂಕ ಪ್ರಾಣಿಗಳಲ್ಲಿಯೂ ಇರುವ ವಾತ್ಸಲ್ಯ, ಮರಿಗಳ ಮೇಲಿನ ಪ್ರೀತಿಗೆ ಸಾಕ್ಷಿ ಒದಗಿಸಿದೆ.


ಈ ದೃಶ್ಯ ಯಾವ ಕಾಡಿನದ್ದು, ಆನೆಮರಿ ಸಾವಿಗೆ ಕಾರಣವೇನು ಎಂಬ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಆದರೆ ಮೂಕಪ್ರಾಣಿಗಳಿಗೂ ಮನುಷ್ಯನಂತೆ ಭಾವನೆಗಳಿವೆ ಎಂಬ ಅಂಶವನ್ನು ಎತ್ತಿಹಿಡಿದಿದ್ದು, ಪ್ರಾಣಿಪ್ರಿಯರು ಈ ದೃಶ್ಯ ನೋಡಿ ಭಾವುಕರಾಗುತ್ತಿದ್ದಾರೆ.

ಆನೆಯೊಂದು ತನ್ನ ಸತ್ತಮರಿಯನ್ನು ಬಾಯಲ್ಲಿ ಕಚ್ಚಿಕೊಂಡು ತೆರಳುತ್ತಿರುವ ದೃಶ್ಯ ಎಲ್ಲೆಡೆ ವೈರಲ್​ ಆಗಿದೆ.

ಆನೆಯೊಂದು ತನ್ನ ಸತ್ತಮರಿಯನ್ನು ಬಾಯಲ್ಲಿ ಕಚ್ಚಿಕೊಂಡು ತೆರಳುತ್ತಿರುವ ದೃಶ್ಯ ಎಲ್ಲೆಡೆ ವೈರಲ್​ ಆಗಿದೆ.

BtvNews ಅವರಿಂದ ಈ ದಿನದಂದು ಪೋಸ್ಟ್ ಮಾಡಲಾಗಿದೆ ಸೋಮವಾರ, ಜೂನ್ 10, 2019