ಎಲೆಕ್ಷನ್​​ ಪ್ರಚಾರಕ್ಕೆ ಗ್ರೂಪ್​​ ಮಾಡಿ ಸಾರ್ವಜನಿಕರ ಆಕ್ರೋಶಕ್ಕೆ ತುತ್ತಾದ ಶಾಸಕರ್ಯಾರು ಗೊತ್ತಾ?

Mysuru: Peoples besom against MLA M K Somashekar in Whatsapp Group.
Mysuru: Peoples besom against MLA M K Somashekar in Whatsapp Group.

ರಾಜ್ಯದಲ್ಲಿ 2018 ರಲ್ಲಿ ಚುನಾವಣೆ ಆರಂಭವಾಗುತ್ತಿರುವ ಹಿನ್ನೆಲೆಯಲ್ಲಿ ರಾಜ್ಯದ ರಾಜಕಾರಣಿಗಳಿಗೆ ಈಗ ಧೀಡಿರ ತಮ್ಮ ತಮ್ಮ ಕ್ಷೇತ್ರದ ಕುರಿತು ಪ್ರೀತಿ ಹುಟ್ಟಿದೆ. ಹೀಗಾಗಿ ಜನರ ಸಮಸ್ಯೆಗಳಿಗೆ ಸ್ಪಂದಿಸಲು ಸಿದ್ಧವಾಗುತ್ತಿದ್ದಾರೆ.

ಆದರೇ ರಾಜಕಾರಣಿಗಳ ಈ ನಾಟಕಕ್ಕೆ ಜನರು ಕೂಡ ತಿರುಗೇಟು ಕೊಡಲು ಸಿದ್ಧವಾಗಿದ್ದು, ಇದಕ್ಕೆ ತಾಜಾ ಉದಾಹರಣೆ ಎಂಬಂತೆ ಮೈಸೂರು ಶಾಸಕರೊಬ್ಬರು ಜನಸಾಮಾನ್ಯರ ಆಲಿಸಲು ಗ್ರೂಪ್ ಮಾಡಿ ಜನರಿಂದ ಹಿಗ್ಗಾಮುಗ್ಗಾ ಬೈಯಿಸಿಕೊಂಡು ಮುಜುಗರ ಎದುರಿಸಿದ್ದಾರೆ.
ಹೌದು ಮೈಸೂರು ಜಿಲ್ಲೆ ಕೆ.ಆರ್​ ಕ್ಷೇತ್ರದ ಶಾಸಕ ಸೋಮಶೇಖರ್, ಕ್ಷೇತ್ರದ ಸಮಸ್ಯೆ ಆಲಿಸಲು ಅಂತ ವಾಟ್ಸಪ್ ಗ್ರೂಪ್ ರಚನೆ ಮಾಡಿದ್ದರು. ಕೆ.ಆರ್ ಕ್ಷೇತ್ರ ಮತ್ತು ಪಬ್ಲಿಕ್​ ಹೆಸರಿನಲ್ಲಿ ಸಚಿವರು 7 ಗ್ರೂಪ್​ ಮಾಡಿದ್ದಾರೆ. ಶಾಸಕರ ಗನ್​ ಮ್ಯಾನ್​ ಮಹೇಶ್​ ಗ್ರೂಪ್​ ರಚಿಸಿದ್ದಾನೆ. ಶಾಸಕರು ವಾಟ್ಸಪ್​ ಗ್ರೂಪ್​ ಮಾಡುತ್ತಿದ್ದಂತೆ ಜನರು ಕ್ಷೇತ್ರದ ಸಮಸ್ಯೆಗಳಿಗೆ ಸ್ಪಂದಿಸದ ಶಾಸಕರು ವಿರುದ್ಧ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಲು ಆರಂಭಿಸಿದ್ದಾರೆ.

 

 

ವಾಟ್ಸಾಪಿನಲ್ಲಿ ಶಾಸಕರನ್ನು ಎರ್ರಾಬಿರ್ರಿಯಾಗಿ ತರಾಟೆಗೆ ತೆಗೆದುಕೊಂಡಿದ್ದಾರೆ. ಅವಾಚ್ಯ ಶಬ್ದಗಳಿಂದ ನಿಂದಿಸಿರುವ ಸಾರ್ವಜನಿಕರು ಎಲೆಕ್ಷನ್​ ಹತ್ರಾ ಬಂತಾ? ಈಗ ನಮ್ಮ ನೆನಪಾಯಿತಾ ಎಂದೆಲ್ಲ ಪ್ರಶ್ನಿಸಿದ್ದಾರೆ. ಅಷ್ಟೇ ಅಲ್ಲ ಇದೊಂದು ಈಡಿಯಟ್​ ಗ್ರೂಪ್​ ಎಂದ ಗ್ರಾಮಸ್ಥರು ಬಿಜೆಪಿ ಓಟ್ ಹಾಕುವಂತೆ ಅದೇ ಗ್ರೂಪ್​ನಲ್ಲಿ ಮೆಸೆಜ್​ ಹಾಕಿದ್ದಾರೆ. ಜನರ ಆಕ್ರೋಶ ಕಂಡು ಗಪ್​ಚುಪ್​ ಆದ ಶಾಸಕರು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಇನ್ನು ಸಾರ್ವಜನಿಕರ ಈ ಆಕ್ರೋಶಕ್ಕೆ ಬೆಚ್ಚಿದ ಶಾಸಕರು ಕೊನೆಗೆ ಗ್ರೂಪ್​ನಿಂದಲೇ ಎಕ್ಸಿಟ್​ ಆಗಿದ್ದು, ಅವರ ಗನ್ ಮ್ಯಾನ್ ಮಹೇಶ್ ಆ ಗ್ರೂಪಗೆ ಮೋದಿ ಪೋಟೋ ಹಾಕಿ ಜನರ ಆಕ್ರೋಶ ತಣ್ಣಗಾಗಿಸುವ ಪ್ರಯತ್ನ ಮಾಡಿದ್ದಾನೆ ಎನ್ನಲಾಗಿದೆ. ಒಟ್ಟಿನಲ್ಲಿ ಜನರನ್ನು ಸೆಳೆಯಲು ಹೋಗಿ ಶಾಸಕರೇ ಪಜೀತಿಗೆ ಸಿಲುಕಿದ್ದು, ಮಾತ್ರ ವಿಪರ್ಯಾಸವೇ ಸರಿ.

ಪ್ರತ್ಯುತ್ತರ ನೀಡಿ

Please enter your comment!
Please enter your name here