ರಸ್ತೆ ಬದಿ ಹೊಟೇಲ್​​ನಲ್ಲಿ ಮಿರ್ಚಿ-ಮಂಡಕ್ಕಿ ಜೊತೆ ಟೀ ಸವಿದ ಕಾಂಗ್ರೆಸ್​ ಯುವರಾಜ!

Raichur: Rahul Gandhi having Roadside hotel Mirchi Bajji
Raichur: Rahul Gandhi having Roadside hotel Mirchi Bajji

ನಾಲ್ಕು ದಿನಗಳ ಹೈದ್ರಾಬಾದ್​ ಕರ್ನಾಟಕ ಭೇಟಿಗೆ ಬಂದಿರುವ ರಾಹುಲ್​ ಗಾಂಧಿ ರಾಜ್ಯಪ್ರವಾಸ ಇಂದು ರಾಯಚೂರು ಜಿಲ್ಲೆಯಾದ್ಯಂತ ನಡೆಯಿತು.

 

ಎಐಸಿಸಿ ಅಧ್ಯಕ್ಷ ರಾಹುಲ್​​ಗಾಂಧಿ 3ನೇ ದಿನದ ರೋಡ್ ಶೋ ಅಂಗವಾಗಿ ಸರ್ಕ್ಯೂಟ್ ಹೌಸ್​ನಿಂದ ರೋಡ್​ ಶೋ ಆರಂಭಿಸಿದರು.
ರಾಯಚೂರಿನ ಸರ್ಕೂಟ್​​​ ಹೌಸ್​ನಿಂದ ಹೊರಟ ರೋಡ್ ಶೋ ಗಂಜ್​ ವರೆಗೆ ನಡೆಯಿತು. ಗಂಜ್​ ಸರ್ಕಲ್​ನಲ್ಲಿ ಸಾರ್ವಜನಿಕರನ್ನುದ್ದೇಶಿಸಿ ರಾಹುಲ್​ ಭಾಷಣ ಮಾಡಿದ್ರು. ಇದಾದ ಬಳಿಕ ಗಂಜ್ ರಸ್ತೆಯಿಂದ ಬಸವೇಶ್ವರ ವೃತ್ತದವರೆಗೆ ರೋಡ್ ಶೋ ನಡೆಸಿದ್ರು. ಇದೇ ವೇಳೆ ರಾಯಚೂರಿನ ಶಂಶಾಲಂ ದರ್ಗಾಕ್ಕೆ ರಾಹುಲ್ ಗಾಂಧಿ ಭೇಟಿ ನೀಡಿದ ರಾಹುಲ್​ ಪ್ರಾರ್ಥನೆ ಸಲ್ಲಿಸಿದ್ದರು.  ಬಳಿಕ ರಾಹುಲ್​ ಬಸವೇಶ್ವರ್​ ವೃತ್ತದಿಂದ ದೇವದುರ್ಗದತ್ತ ಹೊರಟರು.

 

 

ಈ ವೇಳೆ ಕಲ್ಮಲಾದಲ್ಲಿ ರೋಡ್​ ಶೋ ಮುಗಿಸಿದ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ರಸ್ತೆ ಬದಿಯ ಹೊಟೇಲ್​​ನ್ಲಲಿ ಮಿರ್ಚಿ ಸವಿದರು. ಮೌಲಾಸಾಬ್​ ಎಂಬುವವರ ಹೊಟೇಲ್​ನಲ್ಲಿ ಬಜ್ಜಿ,ಗಿರಮಿಟ್​​ ಚಹಾ ಸೇವಿಸಿದ ರಾಹುಲ್​ ಮಿರ್ಚಿ ಬಜ್ಜಿ ಚೆನ್ನಾಗಿದೆ ಅಂತ ಹೊಟೇಲ್​ ಮಾಲೀಕನಿಗೆ ಹೇಳಿದರು.  ಸಿಎಂ ಸಿದ್ದರಾಮಯ್ಯ, ವೀರಪ್ಪ ಮೊಯ್ಲಿ, ಜಿ ಪರಮೇಶ್ವರ್,ಡಿಕೆ ಶಿವಕುಮಾರ್ ಸೇರಿದಂತೆ ಹಲವು ಕಾಂಗ್ರೆಸ್​ ಹಿರಿಯ ನಾಯಕರು ರಾಹುಲ್​ ಗಾಂಧಿಗೆ ಬಜ್ಜಿ ಸವಿಯುವ ವೇಳೆ ಸಾಥ್​ ನೀಡಿದರು. ಬಜ್ಜಿ ಸವಿದ ಬಳಿಕ ಹೊಟೇಲ್ ಮಾಲೀಕನಿಗೆ ರಾಹುಲ್​ 2 ಸಾವಿರ ರೂಪಾಯಿ ನೀಡಿದರು. ಅಲ್ಲದೇ ಹೊಟೇಲ್​ ಮಾಲೀಕನ ಕುಶಲೋಪರಿ ವಿಚಾರಿಸಿದ ರಾಹುಲ್ ಗಾಂಧಿ ದಿನವೊಂದಕ್ಕೆ ಎಷ್ಟು ವ್ಯಾಪಾರ ಆಗುತ್ತೆ ಎಂದು ಕೂಡ ಪ್ರಶ್ನಿಸಿದರು. ಒಟ್ಟಿನಲ್ಲಿ ಮೋದಿ ಪಕೋಡಾ ವಿರುದ್ಧ ಕಿಡಿಕಾರಿದ್ದ ಕಾಂಗ್ರೆಸ್ಸಿಗರು ಒಟ್ಟಾಗಿ ಬಜ್ಜಿ ಸವಿದು ಸಂಭ್ರಮಿಸಿದರು.

From the web

ಪ್ರತ್ಯುತ್ತರ ನೀಡಿ

Please enter your comment!
Please enter your name here