ಸರ್ಕಾರ ಉಳಿಸಿಕೊಳ್ಳಲು ಮೈತ್ರಿ ನಾಯಕರ ಕೊನೆ ಸರ್ಕಸ್ ಆರಂಭ! ಸದ್ದಿಲ್ಲದೇ ರಿವರ್ಸ್ ಆಪರೇಶನ್ ಆರಂಭಿಸಿದ ಡಿಕೆಶಿ!!

ಶತಾಯಗತಾಯ ಸರ್ಕಾರ ಉಳಿಸಿಕೊಳ್ಳಲು ಸಿಎಂ ರೆಡಿಯಾಗಿದ್ದು, ಬಿಜೆಪಿ ಶಾಕ್​ ನೀಡಲು ಸಿಎಂ ಡಿಕೆಶಿ ಜೊತೆ ರಿವರ್ಸ್​ ಆಪರೇಶನ್​ ಪ್ಲ್ಯಾನ್ ಆರಂಭಿಸಿದ್ದಾರೆ.

ad


ಅಧಿವೇಶನದಲ್ಲಿ ವಿಶ್ವಾಸಮತಯಾಚನೆಗೆ ಕಾಲಾವಕಾಶ ಕೋರಿದ ಬೆನ್ನಲ್ಲೇ, ವಿಧಾನಸೌಧದಲ್ಲಿ ಡಿಕೆಶಿ ಜೊತೆ ಸಿಎಂ ಕುಮಾರಸ್ವಾಮಿ ರಹಸ್ಯ ಸಭೆ ನಡೆಸಿದ್ದು, ಸರ್ಕಾರ ಉಳಿಸಿಕೊಳ್ಳಲು ಬಿಜೆಪಿಯ ಯಾವ ಯಾವ ಶಾಸಕರಿಗೆ ಗಾಳ ಹಾಕಬೇಕು ಎಂಬುದರ ಬಗ್ಗೆ ಚರ್ಚೆ ನಡೆಸಿದ್ದಾರೆ.

ಇನ್ನು ಈಗಾಗಲೇ 7 ಕ್ಕೂ ಹೆಚ್ಚು ಬಿಜೆಪಿ ಶಾಸಕರು ಡಿಕೆಶಿಯವರ ಸಂಪರ್ಕದಲ್ಲಿದ್ದು, ಅದರಲ್ಲಿ ನಾಲ್ವರಿಗೆ ಮಂತ್ರಿಗಿರಿ ನೀಡಲು ಒಪ್ಪಿಸಿ ಕಾಂಗ್ರೆಸ್​ ಡಿಕೆಶಿ ಆಹ್ವಾನಿಸಿದ್ದಾರೆ ಎನ್ನಲಾಗಿದೆ. ಇದಕ್ಕೆ 5 ಶಾಸಕರು ಒಪ್ಪಿಕೊಂಡಿದ್ದು, ಸರ್ಕಾರ ಸೇಫ್​ ಆಗೋದಿಕ್ಕೆ ಅಗತ್ಯ ಸಿದ್ಧತೆಯನ್ನು ಡಿಕೆಶಿ ಮಾಡಿಕೊಂಡಿದ್ದಾರೆ.

ಹೀಗಾಗಿ ಇವತ್ತು ಗೌಪ್ಯವಾಗಿ ಡಿಕೆಶಿ ಮತ್ತು ಎಚ್​ಡಿಕೆ ಸಭೆ ನಡೆಸಿದ್ದು, ಬಿಜೆಪಿ ಪ್ಲ್ಯಾನ್​ಗೆ ಪ್ರತಿತಂತ್ರ ರೂಪಿಸಿದ್ದಾರೆ. ಇದೇ ವಿಶ್ವಾಸದಲ್ಲೇ ಸಿಎಂ ಕುಮಾರಸ್ವಾಮಿ ವಿಶ್ವಾಸಮತ ಯಾಚನೆಗೂ ಸಿದ್ಧವಾಗಿದ್ದಾರೆ ಎನ್ನಲಾಗಿದೆ. ಒಟ್ಟಿನಲ್ಲಿ ಬಿಜೆಪಿಗೆ ಗೂಗ್ಲಿ ನೀಡಲು ಮೈತ್ರಿ ನಾಯಕರು ಭರ್ಜರಿ ಪ್ಲ್ಯಾನ್ ಮಾಡಿದ್ದಾರೆ.