ಒಟ್ಟೊಟ್ಟಿಗೆ ಚಿತ್ರೀಕರಣವಾಗಲಿದೆ ಕಿಚ್ಚನ ಕೋಟಿಗೊಬ್ಬ ಹಾಗೂ ಪೈಲ್ವಾನ್​- ಶೂಟಿಂಗ್ ಎಲ್ಲಿ ಗೊತ್ತಾ?!

ಸುದೀಪ್​​ ಅಭಿನಯದ ಸಿನಿಮಾಗಳು ತೆರೆಕಂಡು ಒಂದು ವರ್ಷ ಕಳೆದಿದೆ. ಕಳೆದ ವರ್ಷ ಫೆಬ್ರವರಿಯಲ್ಲಿ ಹೆಬ್ಬುಲಿ ಸಿನಿಮಾ ತೆರೆಕಂಡಿತ್ತು. ಆ ಬಳಿಕ ಕಿಚ್ಚ ದಿ ವಿಲನ್​ ಸಿನಿಮಾ ಮತ್ತು ಬಿಗ್​ಬಾಸ್​ ಕಾರ್ಯಕ್ರಮದಲ್ಲಿ ಬ್ಯುಸಿಯಾದ್ರು. ಇದೀಗ ರಿಲೀಸ್​​​ಗೆ ರೆಡಿಯಾಗ್ತಿರೋ ಸಿನಿಮಾ ಅಂದ್ರೆ ದಿ ವಿಲನ್​​.

ಹೌದು… ಇದೀಗ ಕಿಚ್ಚ ಡಬಲ್​​ ಪ್ಲ್ಯಾನ್​ ಮಾಡಿದ್ದಾರೆ. ದಿ ವಿಲನ್​​ ಶೂಟಿಂಗ್​ ಮುಗಿಸಿರೋ ಕಿಚ್ಚ ಅಂಬಿ ನಿಂಗೆ ವಯಸ್ಸಾಯ್ತು ಸಿನಿಮಾದಲ್ಲೂ ನಟಿಸ್ತಿದ್ದಾರೆ. ಈ ಮಧ್ಯೆ ಕಿಚ್ಚ ನಟನೆಯ ಕೋಟಿಗೊಬ್ಬ 3 ಮತ್ತು ಪೈಲ್ವಾನ್​ ಸಿನಿಮಾ ಕೂಡ ಸೆಟ್ಟೇರಿದೆ. ವಿಶೇಷ ಅಂದ್ರೆ ಈ ಎರಡೂ ಸಿನಿಮಾದ ಶೂಟಿಂಗ್​ ಒಟ್ಟೊಟ್ಟಿಗೆ ನಡೆಯುವಂತೆ ಕಿಚ್ಚ ಪ್ಲ್ಯಾನ್​ ಮಾಡಿದ್ದಾರೆ. ಕಿಚ್ಚ ಪೈಲ್ವಾನ್​ ಅವತಾರ ಎತ್ತೋಕೆ ಸಜ್ಜಾಗಿರೋದು ನಿಮ್ಗೂ ಗೊತ್ತಿರುತ್ತೆ. ಈಗಾಗ್ಲೇ ಚಿತ್ರದ ಫಸ್ಟ್​ಲುಕ್​​ಗೆ ಕಿಚ್ಚ ಕೊಟ್ಟಿರೋ ಖಡಕ್​ ಪೋಸ್​ ಎಲ್ಲರಿಗೂ ಇಷ್ಟ ಆಗಿದೆ. ಇತ್ತ ಸುದೀಪ್​ ಕೂಡ ಜಿಮ್​ಗೆ ಹೋಗಿ ದೇಹ ಹುರಿಗಟ್ಟಿಸಿದ್ದಾರೆ. ನಿರ್ದೇಶಕ ಕೃಷ್ಣ ಚಿತ್ರದ ಶೂಟಿಂಗ್​​ಗೆ ಬೇಕಾದ ಎಲ್ಲಾ ತಯಾರಿ ಮಾಡ್ಕೊಂಡಿದ್ದಾರೆ. ಎಲ್ಲ ಅಂದುಕೊಂಡಂತೆ ನಡೆದ್ರೆ ನೆಕ್ಸ್ಟ್​​ ವೀಕ್​ ಎಂಡ್​​ ಸಿನಿಮಾದ ಶೂಟಿಂಗ್​ ಶುರುವಾಗಲಿದೆ. ಅದ್ದೂರಿಯಾಗಿ ಇಡೀ ಸಿನಿಮಾವನ್ನು ಚಿತ್ರೀಕರಿಸುವ ಪ್ಲ್ಯಾನ್​ ಮಾಡಲಾಗಿದೆ.

‘ಕೋಟಿಗೊಬ್ಬ 3′ ಸಿನಿಮಾ ಕೂಡ ದೊಡ್ಡ ಮಟ್ಟದ ಟಾಕ್​ ಕ್ರಿಯೆಟ್ ಮಾಡಿದೆ. ಸಿನಿಮಾ ಸೆಟ್ಟೆರೋ ಮೊದಲೇ ಇನ್ನಿಲ್ಲದ ಹೈಪ್​​ ಕ್ರಿಯೆಟ್​​ ಮಾಡಿದೆ. ಸೂರಪ್ಪ ಬಾಬು ನಿರ್ಮಿಸಲಿರುವ ಕೋಟಿಗೊಬ್ಬ3’ ಸಿನಿಮಾಕ್ಕೆ ನವ ನಿರ್ದೇಶಕ ಕಾರ್ತಿಕ್ ಆ್ಯಕ್ಷನ್​ ಕಟ್​ ಹೇಳಲಿದ್ದಾರೆ. ಅಂದಹಾಗೆ ಕೋಟಿಗೊಬ್ಬ 3 ಸಿನಿಮಾದ ಪ್ರಿ ಪ್ರೊಡಕ್ಷನ್​​ ವರ್ಕ್ ತುಂಬಾ ಫಾಸ್ಟಾಗಿ ನಡೆಯುತ್ತಿದೆ. ಏಪ್ರಿಲ್​ 23ರಿಂದ ಸಿನಿಮಾದ ಶೂಟಿಂಗ್​ ಶುರುವಾಗಲಿದೆ. ಇದೀಗ ಸಿನಿಮಾ ಟೀಮ್​​ ಲೊಕೇಶನ್​​ಗಳ ಹುಡುಕಾಟ ನಡೆಯುತ್ತಿದೆ. ಮೊದಲ ಶೆಡ್ಯೂಲ್​ನಲ್ಲಿ ಬೆಂಗಳೂರಿನಲ್ಲಿ ಶೂಟಿಂಗ್​ ನಡೆಯಲಿದೆ. ಕೋಟಿಗೊಬ್ಬ 3 ಮತ್ತು ಪೈಲ್ವಾನ್​ ಸಿನಿಮಾದ ಮೊದಲ ಶೆಡ್ಯೂಲ್​ ಶೂಟಿಂಗ್​ ಬೆಂಗಳೂರಿನಲ್ಲೇ ನಡೆಯಲಿದೆ. ಕಿಚ್ಚ ಎರಡೂ ಸಿನಿಮಾಗಳ ಚಿತ್ರೀಕರಣವನ್ನು ಬ್ಯಾಲೆನ್ಸ್​ ಮಾಡಿಕೊಂಡು ಹೋಗಲಿದ್ದಾರೆ. ಎರಡೂ ಸಿನಿಮಾಗಳ ಮೊದಲ ಶೆಡ್ಯೂಲ್​​ ಮುಗಿದ ಬಳಿಕ ಕಿಚ್ಚ ಕೋಟಿಗೊಬ್ಬ ಸಿನಿಮಾದ ಚಿತ್ರೀಕರಣಕ್ಕೆ ಫಾರಿನ್​ ಪ್ಲೈಟ್​ ಹತ್ತಲಿದ್ದಾರೆ.

ಕೋಟಿಗೊಬ್ಬ 3 ಸಿನಿಮಾದ ಸೆಕೆಂಡ್​ ಹಾಫ್​ ಚಿತ್ರೀಕರಣ ಆಗೋದು ಸರ್ಬಿಯಾ ಕಂಟ್ರಿಯ ಬೆಲ್​ಗ್ರೇಡ್ ಸಿಟಿಯಲ್ಲಿ ಹೀಗಾಗಿ ಅಲ್ಲಿ ಸುಮಾರು 40 ದಿನಗಳ ಶೂಟಿಂಗ್​ ನಡೆಯಲಿದೆ. ಅದರಲ್ಲಿ 30 ದಿನ ಆ್ಯಕ್ಷನ್​ ಮತ್ತು ಚೇಸಿಂಗ್​ ಸೀಕ್ವೆನ್ಸ್​ಗಳ ಚಿತ್ರೀಕರಣವೇ ನಡೆಯಲಿದೆ. ಒಟ್ನಲ್ಲಿ ಕಿಚ್ಚನ ಎರಡೂ ಸಿನಿಮಾಗಳು ಕೂಡ ಒಟ್ಟೊಟ್ಟಿಗೆ ರೆಡಿಯಾಗಲಿದೆ. ಇದರಲ್ಲಿ ಒಂದು ಸಿನಿಮಾ ಇದೇ ವರ್ಷದ ಕೊನೆಯಲ್ಲಿ ತೆರೆಕಂಡ್ರೆ ಮತ್ತೊಂದು ಸಿನಿಮಾ ಮುಂದಿನ ವರ್ಷ ತೆರೆಗೆ ಅಪ್ಪಳಿಸಲಿದೆ.

ಪ್ರತ್ಯುತ್ತರ ನೀಡಿ

Please enter your comment!
Please enter your name here